МУУС УСТАР 27 КҮНЭ — САХА ӨРӨСПҮҮБҮЛҮКЭТИН КҮНЭ
Муус устар 27 күнэ Саха сирин историятыгар ураты суолталаах күн. 1922 сыллаахха Бүтүн Россиятааҕы Киин ситэриилээх Комитет (ВЦИК) Президиумун “Саха автономнай Сэбиэскэй Социалистическай Республикатын тэрийэр” уонна кини кыраныыссаларын чопчулуур туһунан анал Декрет тахсыбыта. Бу күн 1922 сыллаахха РСФСР иһинэн Саха АССР тэриллибитэ. 1992 сыллаахха муус устар 27 күнүгэр Саха Өрөспүүбүлүкэтин Үрдүкү Сэбиэтин XII сиэссийэтигэр өрөспүүбүлүкэ саҥа Конституцията -Төрүт сокуона олоххо киирбитэ. Өрөспүүбүлүкэ күнэ – Саха сирин бары олохтоохторун түмэр, сомоҕолуур үөрүүлээх бэлиэ күн.
