Төрөөбүт төрүт тыл уонна сурук-бичик күнэ
Төрөөбүт төрүт тыл уонна сурук-бичик күнүгэр аналлаах «Таптыыр сахам тылынан…» Өрөспүүбүлүкэтээҕи дьыктаан суруйуутугар А.П.Илларионов аатынан Хайахсыт орто оскуолатын 5 уонна 6 кылааһын үөрэнээччилэрэ кыттыыны ыллылар. Бары кыттааччыларга туоһу сурук туттарылынна. Оҕолор тэрээһиҥҥэ Саха норуотун маассабай суругун-бичигин алпабыыт айан төрүттээбит бастакы учуонай-лингвист Семен Андреевич Новгородов туһунан иһиттилэр. «Төрөөбүт тыл уонна сурук-бичик күнэ» кинигэ быыстапката турда.
Төрөөбүт төрүт тылгытын таптаан, ытыктаан, харыстаан!
Төрөөбүт төрүт тыл күнүгэр аналлаах Өрөспүүбүлүкэтээҕи «Сахалыы дьыктаан» суруйуутугар уопсайа 10 киһи кытынна. Дьыктааны саха тылын уонна литературатын учуутала Евдокия Иннокентьевна Кузьмина суруйтарда. «Бастыҥтан бастыҥ суруксут» ааты ылла Поисеев Михаил Михайлович, «Бастыҥ суруксут» ааты Ольга Михайловна Кузьмина уонна «Үчүгэй суруксут» ааты Мария Семеновна Филиппова ыллылар. Бары кыттыылаахтарга сертификат туттарылынна. Ону таһынан сылын ахсын ыытыллар «Саха тыла өркөн өйбүт» викторина кыайыылаахтара сэмэй бирииһинэн наҕараадаланнылар.
