Билсиҥ, саҥа кинигэлэр
Исай Никифоров «Кырачаан булчуттар» диэн тэттик кэпсээннэригэр кырачаан булчуттар саха үгэһинэн булт үөрүйэхтэрин иҥэринэллэр. Кинилэр доҕотторун, чугас дьоннорун кытта бу судургута суох дьарык кистэлэҥнэрин, ньымаларын үөрэтэллэр. Ону тэҥэ тыа сирин уратытын, сиэри-туому, айылҕаны кэтээн көрөллөр.
«Айымньы түһүлгэтэ» кылаас таһынан ааҕар кинигэ 5-8 кылаас үөрэнээччилэрэ дьиэлэригэр, сынньалаҥ кэмнэригэр иһийэн олорон ааҕалларыгар анаммыт. Өбүгэ өлбөт өйүн, үгэһин, омук олоҕун тускута буолбут ытык дьоммут олохторун, үтүө уонна мөкү бүппэт мөккүөрүн, ийэ айылҕа тыыннаах эйгэтин билиһиннэрэр айымньылар оҕо дьону кытта алтыһарыгар, доҕордуу сыһыаннаах, үтүө майгылаах киһилии киһи буоларыгар көмөлөөхтөр.
Капиталина Семенова «Ойуур остуоруйалара» кинигэтигэр киирбит кэрэхсэбиллээх остуоруйалар кыра ааҕааччылары аптаах-алыптаах ойуурга, күннээх алааска уонна чуумпу үрүйэҕэ илдьиэхтэрэ. Айылҕа олохтоохторо доҕордоһуу, бэйэ-бэйэни өйөөһүн, убаастабыл күүһүн көрдөрүөхтэрэ. Остуоруйалар дьиэ кэргэнинэн ааҕыыга үтүө доҕор буолуохтара.
Сонун сорудахтардаах «Сүһүөхтээн ааҕыы» оҕо саҥа ааҕар кэмигэр туһалаах буолуоҕа. Ааптар Валентина Трофимова ураты методикатынан ааҕыы абылаҥар сирдээн киллэрэр. Бастакы түһүмэххэ сүһүөхтээн тылга, тылтан тыл ситимигэр ситимнээх үлэ барар. Оттон иккис түһүмэххэ оҕо бэйэтэ ааҕан өйдүүрүгэр тулалыыр эйгэ, сиэр-майгы туһунан тиэкистэр бэриллэллэр.
Аан дойдуга саха эрэ омук уус-уран айымньытыгар «Дьыл оҕуһа», «Тымныы оҕуһа» диэн ураты дьүһүлгэн баар. Тымныы оҕуһа Хотугу Муустаах байҕалтан тахсан кыыдааннаах кыһыны Саха сиригэр аҕалар. Дьон сэргэ кини муостара биир-биир булгу барар күннэрин анаан-минээн бэлиэтиир, күүтүүлээх сылыйыы саҕаланан барар билгэтинэн ааҕар. Аар айылҕа үйэлэргэ олохтообут сиэрэ кэһиллиэ дуо? Ону Наталья Михалева — Сайа «Улуу Тымныы оҕуһа» үһүйээн остуоруйатыгар өбүгэ номоҕо аныгы кэмниин силлиспит үһүйээнигэр ааҕыаххыт.
Евдокия Иринцеева — Огдо «Кулгаахчай» кинигэтигэр сэргэх бэйэлээх, билиигэ-көрүүгэ тардыһыылаах Урсун уолчаан кулгааҕар олохсуйбут дьикти аптаах, дьиибэ кэпсиирдэрдээх Кулгаахчай барахсаны ким да билбэт. Ол эрээри чуумпур, иһий уонна күүт: кини булгуччу эйиэхэ эмиэ биллиэ, элбэхтик сүбэлиэ, улаатаргар көмөлөһүө, билиититтэн бэрсиэ. Эн кинини иһит эрэ. Хас биирдии оҕо бэйэтин кэтэнэригэр уонна барыны толкуйдуу, ырыта үөрэнэригэр анаммыт остуоруйа.
Татарстан суруйааччытын Ркаил Зайдуллин «Сабантуй» (Данил Макеев тылбааһа) кэпсээтигэр татаар омук сааскы хонуу үлэтин түмүктүүр, үгэскэ кубулуйбут төрүт бырааһынньыктарын суолтатын, көлүөнэттэн көлүөнэҕэ бэриллэн кэлбит үгэстэрин, төрүт оонньууларын аныгы кэм оҕотугар билиһиннэрэр.
Оҕо биириттэн сэттэ сааһыгар диэри кыһалҕатын этэргэ, тулатыттан сэрэнэ, харыстана үөрэнэр. Ол саҥ тардыыта дэнэр. Оҕо 15 хонугуттан 1 сааһыгар диэри 12-15 өйдөбүлү хайаатар даҕаны билиэхтээх. Анатолий Павлов -Дабыл «Оҕону иитэр тыллар» төрөппүккэ көмө буоллун диэн иччилээх тыллар суолталарын, быһаарыыларын уонна өбүгэлэрбит оҕону иитэр үгэстэрин суруйбут.
«Народная медицина Якутов»: в книгу вошли рукописные материалы А.А.Саввина по народной медицине якутов, собранные в Кобяйском, Чурапчинском, Таттинском, Усть-Алданском, Вилюйском, Сунтарском, Верхоянском и Аллаиховском районах с 1934 по 1940 гг. и хранящиеся в Рукописном фонде Архива ЯНЦ СО РАН.
Книга посвящена 100-летию со дня рождения Г.И.Чиряева, выдающегося государственного и политического деятеля, первого секретаря Якутского обкома КПСС (1965-1982), под руководством которого было совершено масштабное поступательное развитие горнодобывающей промышленности, транспорта, социальной сферы, сельского хозяйства, образования, науки и культуры.
В этом томе собраны книги, статьи, выступления, интервью М.Е.Николаева, посвященные вопросам развития внешних связей и международного сотрудничества. Его работы в этой области сгруппированы по следующим направлениям: международное сотрудничество и внешнеэкономическая деятельность, Арктика и Север, ЮНЕСКО и международные спортивные игры «Дети Азии»
Андрей Андреевич Саввин: Избранные труды
Уран тыл ууһа Сэмэн Маайыһап «Дьолго дьулуһар буоллахха…» романын иккис кинигэтигэр киһи уонна айылҕа, дьылҕа, сиэр-майгы; норуот, ийэ тыл кэскилэ, төрөөбүт ытык сиргэ-уокка таптал, төрүт үгэһи тутуһуу уо.д.а. туһунан сахалыы мындыр, дириҥ санаатын роман сүрүн дьоруойдарын — саха тылын, литературатын учуутала Анастасия Сергеевна Алексеева уонна Күүлэлээх нэһилиэгин баһылыга Сергей Егорович Кэнээрэп нөҥүө сэһэргиир, анаарар. Суруйааччы норуот дьиҥ тыына, хатыламмат ураты эйгэтэ, өлбөт-сүппэт кэскилэ тыа сиригэр эрэ баарын ааҕааччыны умсугутардыы, кэрэхсэбиллээхтик, уус-ураннык ойуулуур.
Поэт Илья Баишев «Алааһым — таас кириэппэһим» хоһоонноругар саха киһитэ ханна да тиийбитин, тиэргэниттэн төһө да ырааҕынан тэлэһийбитин иһин төрөөбүт төрүт сиригэр, дьонугар-сэргэтигэр куттуун-сүрдүүн тардыһыылааҕын туһунан хоһуйар.
В книге «Север — мой дом родной» автор А.В.Кривошапкин повествует о своей прожитой жизни. Книга признана большой любовью к родному северному краю, малой родине — Себян-Кюель, самому дорогому человеку — матери.
